وەزیری زانست و توێژینەوە و تەکنەلۆجیای ئێران رایگەیاند، ژمارەیەک زانکۆی باوەڕپێکراوی ئێران ئامادەن لقی خۆیان لە عێراق بکەنەوە.
حسێن سیمائی سەرەف وەزیری وەزیری زانست و توێژینەوە و تەکنەلۆجیای ئێران لە دیدارێکیدا لەگەڵ وەزیری خوێندنی باڵای عێراق رایگەیاند، ژمارەیەک زانکۆی باوەڕپێکراوی ئێران ئامادەن لقی خۆیان لە عێراق بکەنەوە، بۆ ئەمەش پێویستیان بە لابردنی بەربەستە کارگێڕییەکان و هاوکاریکردنی وەزارەتی خوێندنی باڵای عێراق هەیە.
ئەو زانکۆیانەی بڕیارە لقی خۆیان لە عێراق بکەنەوە لە زانکۆکانی (زانست و تەکنەلۆجیای ئێران، زانکۆی شەریف بۆ تەکنەلۆجیا و زانکۆی فیردەوسی لە مەشهەد).
لای خۆیەوە نەعیم عەبودی وەزیری خوێندنی باڵای عێراق ئامادەیی وڵاتەکەی بۆ پێشوازی لەو زانکۆیانەی ئێران دەربڕی، جەختی لە پێشکەشکردنی هەموو ئاسانکارییەک بۆ ئەو مەبەستە کردەوە.
