نوێنەری قەسابەكان لە سلێمانی رایدەگەیەنێت، نرخی گۆشتی سوور بە بەراورد بە پێشتر دابەزیوە و یەك كیلۆ گۆشتی سوور دوو هەزار دینار دابەزیوە و دەشڵێت،”ئەگەر باج و رسوومات ئاسانتربكرێت نرخەكەی دابەزینی زیاتر بەخۆوە دەبینێت”.
ئاسۆ عومەر، نوێنەری قەسابەكان لە سلێمانی لە لێدوانێكدا بە تۆڕی میدیایی ئێستای راگەیاند، نرخی گۆشتی سوور لە قەسابخانەكان دابەزیوە و پێشتر یەك كیلۆی بە 20 هەزار دیناربووە و ئێستا یەك كیلۆی بە 18 هەزار دینار لە قەسابخانەكان دەفرۆشرێت، بەڵام گۆشتی بەرخ كیلۆی هەر بە 20 هەزار دینارە كە لە زینەقەپان گۆشتی سوور نرخەكەی دابەزیوە و لە قەسابخانەكان بە هەرزانتر دەفرۆشرێت.
وتیشی، “ئەگەر باج و رسوومات لەسەر گۆشتی سوور هەڵبگیرێت چاوەڕواندەكرێت نرخی گۆشتی سوور دابەزینی زیاتر بەخۆوە ببینێت”.
