بەرگریی شارستانیی هەرێم، ئاماری رووداوەکانی شەوی سەری ساڵی بڵاوکردەوە.
سەرکەوت کاڕەش، وتەبێژی بەڕێوەبەرایەتیی گشتیی بەرگریی شارستانیی هەرێم، بە تۆڕی میدیایی ئێستای راگەیاند، “ئەو پلانەی بۆ بەرێوەچوونی ئاهەنگەکانی سەری ساڵ لە هەرێم دیاریکرابوو بە سەرکەوتویی جێبەجێکرا سوپاسی سەرجەم تیمەکان و هاوڵاتییانیش دەکەین کە لە بەکارهێنانی تەقەمەنی و یارییە ئاگرینەکان پابەندی رێنماییەکان بوون”.
باسی لەوەش کرد، “دەستخۆشی لە سەرجەم دەزگاکانی راگەیاندن دەکەین کە بەشێوەیەکی رێکوپێک کاریان کرد لەسەر گەیاندنی پەیامە هۆشیارییەکانی بەرگریی شارستانی بە هاوڵاتییان”.
وتیشی، لە ماوەی 24 کاتژمێری رابردوودا (سێ حاڵەتی سووتانی خانوو، دوو حاڵەتی سووتانی ئۆتۆمبێل، دووحاڵەتی سووتانی دووکان، گیانلەدەستدانی دوو منداڵ بەهۆی دووکەڵەوە و یەک حاڵەتی رزگارکردن) تۆمارکراون.
وتەبێژی بەرگریی شارستانیی هەرێم ئەوەشی وت، لە سنووری پارێزگای هەڵەبجە، ئیدارەی سەربەخۆی سۆران، راپەڕین و ئاکرێ هیچ رووداوێک تۆمارنەکراوە.
