وەبەرهێنانی عێراق رایگەیاند، پلانێکی پێنج ساڵییان ئامادەکردووە بۆ راکێشانی وەبەرهێنانی بیانی و ئاسانکاریی تەواوەتییان بۆ دەکرێت.
حەنان جاسم وتەبێژی کۆمسیۆنی وەبەرهێنانی عێراق رایگەیاند، پلانێکی پێنج ساڵیمان ئامادەکردووە تایبەت بە هێنانی وەبەرهێنە بیانییەکان بۆ وڵاتەکە، لەپێناو بەرزکردنەوەی ئاستی گەشەسەندن و فراوانبوونی بوارەکانی وەبەرهێنان لە عێراقدا.
وتیشی “پلانەکە کۆمەڵێک تایبەتمەندی لەخۆدەگرێت کە هانی وەبەرهێنە بیانییەکان دەدات پرۆژەکانیان بهێننە عێراقەوە، وەک رەخساندنی هەلومەرجی وەبەرهێنان و زیادکردنی رێژەی لێخوشبوون لە پرۆژەکانییان.
ئاماژەی بەوەشداوە، لەماوەی رابردوودا زۆرترین مۆڵەتییان بە پرۆژەکانی بواری گەشتیاری داوە، ئەویش بەهۆی زۆربوونی ژمارەی گەشتیاران و گەشەکردنی قەبارەی مرۆیی لە عێراقدا.
