ڤلادیمیر پوتین بەرپرسیارێتیی وڵاتەکەی لە کەوتنەخوارەوەی فڕۆکەکەی ئازربایجان لە ئەستۆ گرت و رایگەیاند “روداوەکە بە مەبەست نەبووە”.
ڤلادیمیر پوتین سەرۆکی روسیا، لە پەیوەندییەکی تەلەفۆنیدا لەگەڵ ئیلهام عەلیێف سەرۆکی ئازربایجان، کەوتنەخوارەوەی فڕۆکەکەی ئازربایجی لە ئەستۆ گرت و داوای لێبووردنی ئاراستەکرد.
وتیشی “هۆکاری کەوتنەخوارەوەی فڕۆکەکە بە مەبەست نەبووە، بەڵکو بەهۆی سیستەمی دژە فڕۆکەکانی روسیاوە بووە، کە بەهۆی هێرشی درۆنەکانی ئۆکرانییاوە لەماوەی رابردودا کاریان پێکراوە”.
ئەمە لەکاتێکدایە، هەفتەی رابردوو فڕۆکەیەکی ئازربایجان بە 67 سەرنشینەوە کەوتە خوارەوە، بەوهۆیەوە 40 کەس گیانیان لەدەستدا و 27 کەسیش رزگاریان بوو.
