ئەندامێكی ئەنجومەنی نوێنەرانی عێراق رایدەگەیەنێت، بەپێی بڕیارەكەی دادگای فیدراڵی مووچەی مانگەكانی 11 و 12 نافەوتێت دەبێت هەرێم و بەغداد پابەندبن.
دارا سێكانیانی، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بەپێی بڕیاری دادگای فیدراڵیی عێراق مووچەی مانگەكانی 11 و 12 نافەوتێت، بەڵام كاتی دابەشكردنەكەی نادیارە و ئەوەش دەكەوێتە ئەستۆی حكومەتی هەرێم.
وتیشی، “لە دوا كۆبوونەوەمان لەگەڵ محەمەد شیاع سودانی سەرۆك وەزیرانی عێراق گەرەنتی دا كە مووچە نافەوتێت، بەڵام گرنگە هەرێم و بەغداد پابەندی رێككەوتنەكان بن”.
