لە دارستانی دانکیخ لە باکووری فەرەنسا کەسێک تەقەی لە چەند کەسێک کرد و لە ئەنجامدا دوو کۆچبەری کورد کوژران.
کەناڵی BFMTV ی فەرەنسی بڵاویکردەوە، ئێوارەی رۆژی شەممە کەسێک لە دارستانی دانکیخ دەستڕێژی گوللەی کردووە لە ئەنجامدا چوار کەس کوژران کە دووانیان کۆچبەرن و دووانی دیکەش لە هێزە ئەمنییەکانن.
ئاشکراشیکرد، تەقەکەرەکە خۆی رادەستی پۆلیس کردووە و بەرپرسیارێتی رووداوەکەی لە ئەستۆ گرتووە.
بەپێی ئەو زانیارییانەی پێگەی زە ناشناڵ بڵاویکردووەتەوە، دوو کۆچبەرەکە کوردی هەرێمی کوردستانن، بەڵام تا ئێستا ناسنامەکانیان ئاشکرانەکراوە.
