ئەنجومەنی سەربازیی منبج رایگەیاند، هێرشەکانی سێ رۆژی رابردوو بۆ سەر منبج لەلایەن گرووپە چەکدارەکانەوە تێکشکێندران و 210 چەکدار کوژران.
فەرماندەیی گشتی هێزەکانی ئەنجومەنی سەربازی منبج ئاماژەی بەوەکرد، سێ رۆژ بەرەنگاریی سەختیان لە ناوچەکە بەڕێوەبردووە و چەکدارەکان ناچار بە هەڵاتن بوون لە کۆتاییدا.
ئاماژەش بەوەکراوە وێڕای راگەیاندنی ئاگربەست، هێرشەکان کراون و بە پشتیوانیی ئاسمانی تورکیا ئەو هێرشانە بەڕێوەبران و زیانی زۆریش بە بەنداوی تشریان لەلایەن فڕۆکە جەنگییەکانەوە گەیەندراوە.
ئەوەشخراوەتەڕوو، لە ئاکامی هێرشەکان هەشت شەرڤانی هێزەکانیان شەهیدبوون و 13ی دیکەش برینداربوون.
