ژمارەی ئەو کەسانەی لە رووداوی هاتوچۆکەی سەر رێگای کەلار – باوەنور گیانیان لەدەستدا بۆ سێ کەس بەرزبووەوە کە هەرسێکیان منداڵن و خوشکی یەکترن.
ئێوارەی رۆژی چوارشەممە ئۆتۆمبێلێک لە جۆری تۆیۆتا کرۆلا، کە لە کەلارەوە بەرەو باوەنور رۆیشتووە کۆنتڕۆڵی لەدەستدا و خۆی کێشا بە ستوونێکی کارەبادا.
لە رووداوەکەدا پێنج منداڵ و دوو ژن بە سەختی برینداربوون، دواتر بەهۆی سەختی برینەکانیانەوە سێ لە منداڵەکان گیانیان لەدەستدا.
منداڵەکان ناویان لیا، پەریا و سارایە، تەمەنیان لەنێوان چوار تا هەشت ساڵاندایە و خوشکی یەکترن.
