سەرۆكی رێكخراوی یەكێتیی مامۆستایانی كوردستان رایدەگەیەنێت، زیاتر لە هەفتەیەكە حكومەتی عێراق مووچەی مانگی 10ی مووچەخۆرانی ناردووە و حكومەتی هەرێم خۆی بێدەنگ كردووە و ئامادە نییە وەربیگرێت و دابەشیبكات.
عەبدولواحید محەمەد، سەرۆكی رێكخراوی یەكێتیی مامۆستایانی كوردستان لە لێدوانێكدا بە تۆڕی میدیایی ئێستای راگەیاند، پشتیوانی لە داواكارییەكانی مامۆستایان دەكەین كە داوای مافی خۆیان دەكەن كە مووچەكانیانە زیاتر لە هەفتەیەكە حكومەتی عێراق مووچەی مانگی 10ی مووچەخۆرانی ناردووە و حكومەتی هەرێم خۆی بێدەنگ كردووە و ئامادە نییە وەربیگرێت و دابەشیبكات.
وتیشی، “داكۆكی لە داواكارییەكانی مامۆستایان دەكەین كە خۆشمان مامۆستایان و داكۆكی لە مافی خۆمان دەكەین”.
جێی ئاماژە بۆ كردنە، ماوەی زیاتر لە دوو مانگە مووچەخۆرانی هەرێم مووچەی مانگی 10یان وەرنەگرتووە، هەرچەندە بەغداد 761 ملیار دیناری بۆ مووچە ناردووە، بەڵام كورتهێنان لەو پارەیە هەیە و هەرێم بۆ مووچە پێویستی بە 996 ملیار دینارە.
