لەسەر بڕینی داری دارستانەکان له سنووری ناحیەی باوەخۆشێن، هاوڵاتییەک دەستگیرکرا.
بەڕێوەبەرایەتیی پۆلیسی دارستان و ژینگەی سلێمانی بڵاویکردەوە، دوای وەرگرتنی زانیاری لەسەر بڕینی داری دارستانەکان له سنووری ناحیەی باوەخۆشێن مەفرەزەیەک لە کارمەندانی بنکەی پۆلیسی دارستانی باوەخۆشێن توانیان هاوڵاتییەک دەستگیربکەن کە هەستاوە بە بڕینی ژمارەیەک داری تەڕی سروشتیی (بەڕوو) .
دەشڵێت، پاش دەستگیرکردنی و دەست بەسەرداگرتنی یەک تراکتۆر، پەڕاوی لێکۆڵینەوەی بۆ رێکخراوه و رادەستی دادوەر کرا بەمەبەستی گرتنەبەری رێکاری یاسایی.
