بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ پرۆفیسۆر ڤۆڵكەر پێرسس، توێژەری باڵا لە پەیمانگەی كاروباری نێودەوڵەتی و ئاسایش (SWP) كە سەنتەرێكی پێشەنگی لێكۆڵینەوەی سیاسەتی دەرەوەی حكومەتی ئەڵمانیایە كۆبووەوە كە ساڵانێكی زۆرە دڵسۆزی دۆزی كوردە و بەردەوام سەردانی كوردستانی كردووە.
لە كۆبوونەوەكەدا كە دەرباز كۆسرەت رەسوڵ، لێپرسراوی مەكتەبی پەیوەندییەكان ئامادەیبوو، سەرۆك بافڵ جەلال تاڵەبانی دوایین پێشهاتەكانی كوردستان و عێراقی بۆ پڕۆفیسۆر ڤۆڵكەر خستەڕوو.
هەر لە كۆبوونەوەكەدا سەرۆك بافڵ تیشكی خستەسەر رۆڵی ئەڵمانیا لە پاڵپشتیكردنی ئاسایش و سەقامگیری ناوچەكە و تواناكانی بۆ هاوبەشیكردن لەگەڵ كوردستان بۆ گەشەپێدانی ئابوری بۆ رەخساندنی خۆشگوزەرانی و دەرفەت بۆ خەڵكەكەی.
