ئومێد خۆشناو، پارێزگاری هەولێر، لەکۆنگرەیەکی رۆژنامەوانیدا رایگەیاند، قۆناغی سێیەمی پرۆسەی سەرژمێری لە ئەمرۆوە دەستیپێکرد و تا 10ی ئەم مانگە بەردەوام دەبێت، وتیشی، “لەم قۆناغەدا 77 پرسیار لە هاوڵاتییان دەکرێت و هەر ئەندامێکی خێزان 18 ساڵی تەواوکردبێت دەتوانێت وەڵامی پرسیارەکانی سەرژمێری بداتەوە”.
پارێزگاری هەولێر ئاماژەی بەوەشدا، لەم قۆناغەدا مەرج نییە هەموو ئەندامانی خێزان لەماڵەوە بن، بەڵکو تەنها سەرۆکی خێزان لەماڵ بێت بەسە بۆ وەڵامدانەوەی پرسیارەکان، یاخود هەر ئەندامێکی دیکەی خێزان بەڵام بەمەرجێک تەمەنی لە 18 ساڵ زیاتر بێت.
باسی لەوەشکرد، هاوکاری و هەماهەنگی هاوڵاتییان، هۆکارێکی گرنگ و سەرەکی بوو بۆ سەرکەوتنی پرۆسەی سەرژمێری، هەربۆیە بۆ ئەم قۆناغەش داوا لە هاوڵاتییان دەکەین لەرێگای مامەڵەی گونجاویان و وەڵامدانەوەی پرسیارەکان، هاوکاربن بۆ سەرکەوتنی پرۆسەی سەرژمێری.
ئەمە لەکاتێکدایە، پرۆسەی سەرژمێری گشتی لە رۆژانی 20 و 21 ئەم مانگەدا لە سەرتاسەری عێراق و هەرێمی کوردستان بەرێوەچوو و دوو قۆناغی ئەمجاندرا و ئەمڕۆش قۆناغی سێیەم و کۆتایی پرۆسەکە راگەیاندرا کە بریارە تاوەکو 10ی مانگی 12 بەردەوامبێت.
