پۆلیسی دارستانی شارباژێڕ رایدەگەیەنێت، لە سنووری ناحیەی سیتەك پێنج كەس لەسەر بڕینی دار دەستگیركران.
لە راگەیەنرداوێكدا پۆلیسی دارستانی شارباژێڕ بڵاویكردووەتەوە، مەفرەزەیەكی هاوبەش لە كارمەندانی بەشی پۆلیسی دارستانی شارباژێڕ و بنكەی سیتەك و بنكەی بەكرەجۆ چوونە گوندی (وێڵە) دوای گەڕان و پشكنین توانیان دەستبگرن بەسەر ژمارەیەكی زۆر داری بڕدراو.
هەر لە راگەیەندراوەكەدا هاتووە، لەسەر ئەو دۆسیەیە پێنج كەس دەستگیركراون و لەلایەن بنكەی پۆلسی دارستانی سیتەكەوە پەڕاوی لێكۆڵینەوەیان بۆ ڕێكخراوە و رادەستی دادوەر كراون بۆ وەرگرتنی رێكاری یاسایی.
