بەهۆی ژێرئاوكەوتنی بەلەمێكی كۆچبەران لە دەریای ئیجە دوو هاوڵاتی هەرێمی كوردستان خنكان.
پێشڕەو عەبدوڵڵا، نوێنەری پەنابەرەگەڕاوەكانی كورد لە ئەوروپا رایگەیاندووە، بەلەمێكی كۆچبەران لە دەریای ئیجەدا ژێرئاوكەوتووە كە پێنج كەسی تێدابووە سیانیان رزگاریان بووە و دوانیشیان كە خەڵكی هەرێمی كوردستانن خنكاون.
وتیشی، ” هێزەكانی پۆلیسی یۆنان لێكۆڵینەوەیان لە رووداوی ژێرئاوكەوتنی بەلەمی كۆچبەران لە دەریاچەی ئیجە دەستپێكردووە”.
