منداڵێکی تەمەن دوو ساڵ و نیو بوو بە ژێر ئۆتۆمبێلی باوکییەوە و گیانیلەدەستدا.
بەڕێوەبەرایەتیی پۆلیسی راپەڕین، لە راگەیەندراوێکدا بڵاویکردەوە، دواینوەڕۆی ئەمڕۆ تەرمی منداڵێك گەیەندرایە نەخۆشخانەی گشتیی رانیە.
ئاماژە بەوەش دەکات، “بە وتەی کەس و کارەکەی باوکی منداڵەکە لەکاتێکدا کە ئۆتۆمبێلەکەی لە ماڵ بردووەتە دەرەوە منداڵەکەی شێلاوە و بەو هۆیەوە گیانیلەدەستداوە”.
لە راگەیەندراوەکەی پۆلیسی راپەڕیندا هاتووە، منداڵەکە لە رەگەزی مێ یە و تەمەنی دوو ساڵ و نیوە، دانیشتووی ناحیەی چوارقوڕنە/گوندی گردجانە.
باس لەوەش دەکات، تەرمی منداڵەکە دوای ئەنجامدانی پشکنینی توێکاری لە پزیشکی دادی رانیە رادەستی کەسوکاری دەکرێتەوە، پەڕاوی لێکۆڵینەوە کراوەتەوە و لێکۆڵینەوە لە رووداوەکە بەردەوامە.
