زانکۆی پۆلیتەکنیکی سلێمانی ئاگادارییەکی بڵاوکردەوە و رایگەیاند، بە نووسراوێک پڕۆسەی تەوتینمان بۆ سەرجەم مامۆستا و فەرمانبەرانمان جێبەجێکردووە.
سەرۆکایەتیی زانکۆی پۆلیتەکنیک دەشڵێت، نووسراوی ژمارە (11101) لە (30/10/2024) ئاڕاستەی بەڕێوەبەرایەتیی کارگێڕیی پارێزگای سلێمانی کراوە سەبارەت بە پڕۆسەی تەوتین.
لە نووسراوەکەدا ئاماژەی بەوەکردووە، لیستی تەوتینی فەرمانبەرانی سەرۆکایەتیی زانکۆ و سەرجەم کۆلێج و پەیمانگاکانی سەر بە زانکۆکەی لەسەر سیدی رەوانەکردووە بۆ ئەنجامدانی تەوتین.
ئاماژە بەوەشکراوە، نووسراوی ژمارە (12143) لە (18/11/2024) تەنها گشتاندنێکی وەزارەتی خوێندنی باڵا و توێژینەوەی زانستییە لە رووی کارگێڕییەوە گشتاندنی پێکراوە.
