جێگری سەرۆك وەزیران لە چەمچەماڵ وێستگەی کارەبای مۆبایلی چەرموو و نووسینگەی ژمارە 5ی پاسپۆرتی ئەلیکترۆنی سلێمانی-چەمچەماڵی کردەوە
قوباد تاڵەبانی، جێگری سەرۆکوەزیران ئەمڕۆ لە میانەی سەردانەکەیدا بۆ چەمچەماڵ بە یاوەری هەریەکە لە وەزیری کارەبا و وەزیری پلاندانان و بریکاری وەزیری سامانە سروشتییەکان، وێستگەی کارەبای مۆبایلی چەرمووی 132/11KV کردەوە.
پرۆژەکە بە گوژمەی زیاتر لە ملیارێک و 600 ملیۆن دینار جێبەجێکراوە و تا رادەیەکی زۆر کێشەی ئۆڤەرلۆد لە سنوورەکە چارەسەردەکات.
دواتر جێگری سەرۆک وەزیران نووسینگەی ژمارە 5ی پاسپۆرتی ئەلیکترۆنی سلێمانی-چەمچەماڵی کردەوە، کە هەر هاوڵاتییەک لە ماوەی دوو کاتژمێردا مامەڵەکانی جێبەجێ دەکرێت و دەبێتە خاوەنی پاسپۆرتی خۆی.
