هۆشیار عەبدوڵا ئەندامی خولی پێشووی پەرلەمانی عێراق لە دیدارێكی تەلەفزیۆنیدا رایگەیاند، سەرباری ئەوەی هەرێم وەك پێویست پابەندنییە کە نەوتەكەی رادەستی بەغداد بكات، بەڵام بەپێی زانیارییەكان محەمەد شیاع سودانی سەرۆك وەزیرانی عێراق داوایكردووە لە كاتی كاركردن بە یاسای بودجە ئاسانكاری بكرێت و بڕە پارەیەك بۆ مووچەی فەرمانبەرانی هەرێمی كوردستان رەوانەبكرێـت.
ئاشكراشیكرد، عێراق داوایكردووە داهاتە نانەوتییەكان رادەستی بەغداد بكرێت و دواتر 50%ی كۆی گشتی داهاتە نانەوتییەكان بۆ هەرێمی كوردستان دەگەڕێندرێتەوە.
ئاماژەی بۆ ئەوەش كرد، پێشتر حكومەتی عێراق كە ئەو بڕە پارەیەی وەكو سولفە بۆ هەرێمی كوردستان ناردووە بە مەبەستی نیازپاكی بووە بۆ رێككەوتن لەسەر دۆسیەی نەوتی هەرێم كە دوای بڕیارەكەی دادگای فەرەنسا هەناردەی نەوتی هەرێم راگیراوە.
