رۆژنامەنووسێکی کورد، حزبێکی نوێ لە وڵاتی تورکیا دادەمەزرێنێت بەناوی نەورۆز و دەڵێت، ئامانجم لە دامەزراندنی حیزبەکە دژایەتیکردنی زوڵم و ستەم و نادادی و پاڵپشتیکردنە لە خەڵکی.
حەسەن سێنجار کە رۆژنامەنووسە و هاوکات دامەزرێنەری حزبەکەیە رایگەیاند، ماوەی زیاتر لە دوو مانگە حیزبی نەورۆز، لەلایەن وەزارەتی ناوخۆی وڵاتەکەوە مۆڵەتی رەسمی وەرگرتووە و بەم زووانە کاروبارە سیاسییەکانیان دەستپێدەکات.
ئاماژەی بەوەشدا، حزبەکە تەنها موڵکی کورد یان نەتەوەیەکی دیاریکراو نابێت، بەڵکو ئامانجییان دژایەتی زوڵم و ستەمە لەهەرکوێیەک بوونی هەبێت و هەروەها پاڵپشتیکردنە لە خەڵکی.
