دەستەی باڵای سەرژمێریی گشتیی دانیشتووان رایگەیاند، قۆناغی دووەمی سەرژمێری گشتیی دانیشتووان بەسەرکەوتووی تەواوبووە و دەشڵێت، “لەم هەفتەیەدا ئەنجامەکان رادەگەیەنرێت”.
دەستەکە لە راگەیەندراوێکدا ئاماژەی بەوەکردووە، قۆناغی دووەم کە قۆناغی تۆمارکردنی خێزانەکان بووە سێ رۆژی خایاندووە و بە سەرکەوتووی تەواوبووە و بە نزیکەیی 100ی دانیشتووان تۆمارکراون، کە ئەوەش بەرزترین رێژە بووە لەمێژووی هەموو سەرژمێرییەکانی عێراقدا.
دەستەکە باسی لەوەشکردووە، راگەیاندنی ئەنجامەکانی سەرژمێری لەم هەفتەیەدا رادەگەیەندرێت و دڵنیایشدەدات، لەوەی کاریگەری بەرچاوی دەبێت لەسەر گەشەسەندن و بونیادنان لە عێراق لەسەر رێگەیەکی راست.
