نرخی زێڕ بەرزبووەوە، هەر مسقاڵێک زێڕ حەوت هەزار دیناری دیکەی چووە سەر و مسقاڵێکی عەیاری 21 ئەمڕۆ لە هەرێمی کوردستان گەیشتە 577 هەزار دینار.
نرخی زێڕ، لە بازاڕەکانی جیهانی رووی لە بەرزبوونەوە کرد لە نێوان مامەڵەکانی دوێنێ و ئەمڕۆدا، بەجۆرێک هەر ئۆنسەیەک زیاتر لە 30 دۆلار بەرزبووەوە و گەیشتە 2698 دۆلار.
بەرزبوونەوەی زێڕ لە بازاڕە جیهانییەکان وایکردووە نرخی زێڕ لە بازاڕە خۆجێییەکانی هەرێم و عێراقیش بەرزببێتەوە بە جۆرێک، مسقاڵێک زێر حەوت هەزار دینار زیادیکردووە.
ئەمڕۆ هەینی نرخی زێڕ بە گوێرەی نرخی 100 دۆلار کە بەرامبەر بە 150 هەزار و 450 دینارە بەم جۆرەیە:
مسقاڵێک زێڕی عەیاری 21 به 577 هەزار دینار
مسقاڵێک زێڕی عەیاری 18 به 495 هەزار دینار
مسقاڵێک زێڕی عەیاری 24 به 657 هەزار دینار
