دادگای میسر دەستیگرت بەسەر سامانی 89 سەركردەی ئیخوان موسلیمین-دا.
ئەمڕۆ یەكشەممە 17ی كانونی دووەم، دادگایەكی میسر دەستیگرت بەسەر سامانی 89 سەركردەی ئیخوان موسلیمین-دا، ئەوەش دوای داوایەكی “لیژنەی دەستگرتن بەسەر سامانی ئیخوان موسلیمیندا” دێت كە ساڵی 2018 لە میسر پێكهێنراوە بۆ بەدەستبەسەرداگرتنی سامانی “گرووپە تیرۆریستییەكان و ئەندامەكانیان.”
بە گوێرەی بڕیاری دادگاكەی میسر، پارە و سامانی ئەو سەركردە و ئەندامانەی ئیخوان موسلیمین كە دەستیان بەسەردا گیراوە، دەگەڕێندرێنەوە بۆ خەزێنەی دەوڵەت.
لەنێو ئەوانەی دەست بەسەر سامانەكانیاندا گیراوە، وەرەسەكەی محەمەد مورسی سەرۆكی پێشووی میسر و محەمەد بەدیع ڕابەری ئەوكاتی ئیخوان موسلیمین و خەیرەت شاتر جێگری پێشووی سەرۆكی ئیخوان موسلیمین هەن.
