لە ناوچەی پیشەسازیی کەلار کوڕێکی تەمەن 21 ساڵان تایەی پێدا تەقی و گیانیلەدەستدا.
د. رزگار لەتیف، بەڕێوەبەری نەخۆشخانەی شەهید هەژار لە قەزای کەلار، بە تۆڕی میدیایی ئێستای راگەیاند، لە ناوچەی پیشەسازیی کەلار، کوڕێک کە شاگردی یەکێک لە دوکانەکان بووە، لەکاتی گۆڕینی تایەی ئۆتۆمبێلێکی گەورەدا برینداربووە بەهۆی ئەوەی تایەکە تەقیوە.
وتیشی، بەهۆی سەخستیی برینەکەیەوە لەکاتی گەیاندنی بە نەخۆشخانە گیانیلەدەستداوە.
بەپێی وتەی د. رزگار لەتیف، کوڕەکە لەدایکبووی ساڵی 2003یە و دانیشتووی کەلاری کۆنە.
