پێش نیوەڕۆی ئەمڕۆ رێوڕەسمی خولی چوارەمی دەرچووانی كۆلێژی سەربازیی قەڵاچوالان بەڕێوەچوو.
رێوڕەسمی دەرچووان بە بەشداریی نێچیرڤان بارزانی سەرۆكی هەرێمی كوردستان، قوباد تاڵەبانی جێگری سەرۆك وەزیران، جەعفەر شێخ مستەفا جێگری سەرۆكی هەرێم و شۆڕش ئیسماعیل وەزیری پێشمەرگە ئەنجامدا.
لە رێوڕەسمەكەدا هەریەك لە سەرۆكی هەرێم و وەزیری پێشمەرگە و بەرپرسانی پێشمەرگە وتاریان پێشكەشكرد.
هەروەها دەرچووانی كۆلێژەكە لە بەردەم سەرۆكی هەرێمی كوردستاندا سوێندی یاساییان خوارد و بڕوانامەی سەربازییان پێدرا.
