ئەمڕۆ 240 ساڵ تێپەڕدەبێت بەسەر بونیادنانی شاری سلێمانی لەسەر دەستی ئیبراهیم پاشای بابان.
سلێمانی لە 14 ی تشرینی دووەمی ساڵی 1784 لەلایەن ئیبراهیم پاشای بابان، پاشای ئەو کاتی بابانییەکان بونیادنراوە و ناوەکەشی بەناوی سلێمان پاشای بابان ناوە و کردوویەتییە پایتەختی میرنشینەکەی.
ساڵانە و لەم رۆژەدا لە شاری سلێمانی چەندین چالاکی جۆراوجۆر بەڕێوەدەچێت.
ئەمڕۆش بڕیارە بەو بۆنەیەوە بەشێک لە ئەندەرپاسی والی لە شەقامی سەرەکی هەواری شار بکرێتەوە، جگە لەوەش چەندین چالاکی هونەری و رۆشنبیریی جۆراوجۆر بەڕێوەبچێت.
لە زۆرێک لە خوێندنگەکانی شارەکە بە پۆشینی جلی کوردی و ئاهەنگگێڕان یادی ئەم رۆژە بەرزرادەگرن.
