قائیمقامی چەمچەماڵ رایدەگەیەنێت، فەرمانی دەستگیركردن بۆ خاوەنی هەر 39 مۆلیدەكەی چەمچەماڵ دەردەچێت كە پابەندی بڕیارەكان نەبوون و ئەمڕۆ كارەبایان بۆ هاوڵاتییان دابین نەكرد و بەپێی بڕیاری دادوەر دەستگیردەكرێن.
رەمك رەمەزان، قائمیقامی چەمچەماڵ لە لێدوانێكدا بە تۆڕی میدیایی ئێستای راگەیاند، ئەمڕۆ خاوەن مۆلیدەكان چەندجارێك ئاگاداركرانەوە كە لە كاتژمێر پێنجی ئێوارەی ئەمڕۆ كارەبا بۆ هاوڵاتییان دابینبكەن و دوای ئەوەی ئاگاداركرانەوە رایانگەیاندووە كە كارەبا دابین ناكەن و رێكاری یاسایی گیرایەبەر و بە بڕیاری دادوەر فەرمانی دەستگیركردن بۆ خاوەنی هەر 39 مۆلیدەكە دەرچوو.
وتیشی، ” بەپێی ماددەی 240 لە ياسای سزادانی عێراقی دەستگیردەكرێن كە لە یەك مانگ بۆ شەش مانگە و هێزە ئەمنییەكان راسپێردراون خاوەنی مۆلیدەكانی قەزای چەمچەماڵ دەستگیربكەن”.
