بەڕێوەبەرایەتیی گشتیی کەشناسیی و بوومەلەرزەزانی هەرێمی کوردستان کەشوهەوای 48 کاتژمێری داهاتووی بڵاوکردەوە و ئاماژەی بەوەکرد، سبەی شەو ئەگەری نمەباران لە ناوچە شاخاوییەکان هەیە.
بەڕێوەبەرایەتییەکە باسی لەوەشکرد، ئەمڕۆ شەممە، ئاسمان ساماڵ دەبێت لەگەڵ دروستبوونی هەندێک پەڵەهەور و پلەی گەرمی هاوشێوەی دوێنێ دەبێت.
لەبارەی کەشوهەوای سبەی یەکشممەوە ئەوەی خستەڕوو، ئاسمان ساماڵ دەبێت پاشان دەگۆرێت بۆ نیمچەهەور و هەوری تەواو، لە کاتەکانی شەودا ئەگەری بارینی نمەباران لەناوچەشاخاوییەکان هەیە، هاوکات باسی لەوەکردووە پلەی گەرمی بەرز دەبێتەوە بە رێژەی دوو بۆ سێ پلەی سیلیزی بە بەراورد بە تۆمارکراوەکانى ئەمرۆ.
