خەڵاتێکی نێودەوڵەتی بەخشرایە نەخۆشخانەی شار وەك باشترین سەنتەر بۆ چارەسەری جەڵتەی مێشك.
بەڕێوەبەرایەتیی گشتیی تەندروستیی سلێمانی رایگەیاند، خەڵاتەكە ئەمڕۆ لە کۆنگرەی لوتکەی جیهانیی جەڵتەی مێشك لە بەغداد بەخشرایە بەشی هەناوی مێشک و دەماری نەخۆشخانەی شار وەک باشترین و یەکەمین سەنتەری چارەسەری جەڵتەی مێشک لەسەر ئاستی عێراق و زۆری ئەو کەیسانەی تیایدا چارەسەردەکرێت.
خەڵاتەکە ئەمڕۆ لەلایەن د. زانا عەبدولرەحمان، سەرۆکی بەشی هەناوی مێشک و دەمار لە نەخۆشخانەی شار وەرگیرا.
