بەڕێوەبەری ژینگەی هەڵەبجە، رایگەیاند، “رێژەی سەوزایی لە پارێزگای هەڵەبجە گەیشتووەتە 14%”.
سەرھەنگ عەبدولڕەحمان، بەڕێوەبەری ژینگەی هەڵەبجە بە تۆڕی میدیایی ئێستای راگەیاند، رێژەی سەوزایی لە پارێزگای هەڵەبجە زیادیکردووە و گەیشتووەتە 14%.
باسی لەوەشکرد، “بۆ ئەوەی رێژەکە زیاتربێت پێویستە دارستانی دەستکرد لە پارێزگاکە دروستبکرێت و وەزارەتی کشتوکاڵیش هاوکاریی زیاتری پرۆژە کشتوکاڵییەکان بکات”.
لەبارەی هۆکارەکانی پیسبوونی ژینگە لە پارێزگاکە بەڕێوەبەری ژینگەی هەڵەبجە وتی، یەکێک لە هۆکارەکان نەبوونی پرۆژەی ریسایکلینە کە هاوشێوەی ناوچەکانی دیکە خۆڵ و خاشاکێکی زۆر فڕێدەدرێت و پێویستە ریساکل بکرێن.
وتیشی، بوونی مۆلیدەکانیش یەکێکی دیکەیە لە هۆکارەکانی پیسبوونی ژینگە کە دوکەڵ دەردەکەن ئەوەش کاریگەریی راستەوخۆی لەسەر پیسبوونی ژینگە هەیە.
