وەزارەتى خوێندنى باڵا و توێژینەوەى زانستى داتا و ژمارەى وەرگیراوانى ئامادەییە پیشەییەکانی بڵاوکردەوە، کە 696 دەرچووى ئامادەییە پیشەییەکانن لە زانکۆ و پەیمانگەکانى هەرێمى کوردستان وەرگیران.
وەزارەتەکە ئاماژەی بەوەکردووە، بۆ ساڵى خوێندنى (2024-2025) هاوشێوەى دەرچووانى زانستى و وێژەیی و ناوچە دابڕێنراوەکان، 696 دەرچووى ئامادەییە پیشەییەکان لە زانکۆ و پەیمانگەکانى هەرێمى کوردستان وەرگیراون.
باسی لەوەشکردووە، ئەمساڵ بۆ یەکەمین جارە دەرچووانى خوێندنگە پیشەییەکان راستەوخۆ لەگەڵ دەرچووانى ئامادەیی شوێنى وەرگرتنیان رادەگەێندرێت، ژمارەى دەرچووى ئامادەییە پیشەییەکان لە ساڵى خوێندنى (2023-2024) و ساڵانى پێشتر گەیشتە 1145 دەرچوو لە ئەنجامدا 696 یان وەرگیران و 138ى دیکەیان وەرنەگیران، هاوکات 311 دەرچووى پیشەیی فۆرمى داواکاریان پێشکەشنەکرد.
