وەزارەتی دارایی هەرێم رایدەگەینێت، هەر کەسێک مووچەخۆری حکومی بێت و تاوەکو 20ی 11 بایۆمەتری نەکردبێت مووچەکەی رادەگیرێت.
وەزارەتی دارایی و ئابوریی هەرێمی کوردستان لە راگەیەندراوێکدا بڵاویکردەوە، پێویستە هەموو ئەو مووچەخۆر و فەرمانبەر و خانەنشین و خاوەن پێداویستی تایبەت و وارسی شەهیدانەی تا ئێستا (upn) یان نییە و خۆیان لە سیستەمی بایۆمەتری تۆمارنەکردووە پێویستە تا (20ی11ی2024) خۆیان تۆماربکەن.
ئاماژەی بەوەشکردووە، لەسەر بنەمای ئەو رێکكەوتن و لێکتێگەیشتنانەی لەنێوان وەزارەتی دارایی و ئابوریی هەرێمی کوردستان و وەزارەتی دارایی حکومەتی فیدراڵ لەسەر بابەتی چارەسەرکردنی کێشە هونەریەکانی لیستی مووچەی فەرمانبەرانی هەرێمی کوردستان هاتوەتە ئاراوە ئەم بڕیارە دەرکراوە.
هاوکات، ئەوەشی خستووەتەڕوو، بڕیاری خۆتۆمارکردن لە سیستمی بایۆمەتی هەموو ئەو فەرمانبەر و مووچەخۆرانە دەگرێتە کە بەهۆکاری جیاواز لەدەرەوەی وڵاتن یان مۆڵەتی بێ مووچە و خوێندن و هەر هۆکارێکی دیکە.
