ئیلیۆن مەسک ملیاردێری ئەمریکی و بەڕێوەبەری جێبەجێکاری کۆمپانیای تێسلا، بەهۆی بەرزبوونەوەی بەهای پشکی کۆمپانیاکەی لە رۆژێکدا 33 ملیار دۆلار چووە سەر سامانەکەی.
بەپێی ئەو داتایانەی ئاژانسی بلومبێرگ بڵاویکردووەتەوە، لە مامەڵەکانی رۆژی هەینیدا، بەهای پشکەکانی کۆمپانیای تێسلا بە رێژەی 21.92% بەرزبوونەوە کە دەکاتە 260.48 دۆلار.
بەرزبوونەوەی پشکەکانی کۆمپانیاکە لەدوای ئەوەدێت کە کۆمپانیاکە ئاشکرایکرد، لە چارەکی سێیەمی ئەمساڵ داهاتیان 2.17 ملیار دۆلار بووە واتە رێژەی 17% لەسەر ئاستی ساڵانە زیادیکردووە.
