بەڕێوەبەرایەتیی گشتیی کەشناسیی هەرێم کەشوهەوای ئەمڕۆ و سبەی بڵاوکردەوە و باس لە بەرزبوونەوەی پلەی گەرمی دەکات.
بەڕێوەبەرایەتییەکە لەبارەی کەشوهەوای ئەمڕۆ هەینییەوە دەڵێت، ئاسمان لەنێوان پەڵەهەور و نیمچەهەوردا دەبێت، پلەی گەرمی بە نزیکەیی یەک تا دوو پلەی گەرمی بەرزدەبێتەوە بەراورد بە تۆمارکراوەکانی دوێنێ.
باسی لەوەشکردووە، کەشوهەوای سبەینێ بە هەمان شێوە ساماڵ و پەڵە هەور دەبێت و پێشبینی بەرزبوونەوەی یەک تا دوو پلەی دیکەی گەرمی دەکرێت لەناوچەکانی هەرێمی کوردستان.
ئاماژەی بەوەشداوە، بەرزترین پلەکانی گەرمای پێشبینیکراو بە پلەی سیلیزی بۆ سبەی شەممە بەم جۆرە دەبێت:
هەولێر : 25 پلەى سیلیزى
سلێمانی : 22 پلەى سیلیزى
دهۆک : 25 پلەى سیلیزى
کەرکوک : 27 پلەى سیلیزى
هەڵەبجە : 24 پلەى سیلیزى
زاخۆ : 27 پلەى سیلیزى
حاجی ئۆمەران : 11 پلەى سیلیزى
سۆران : 22 پلەى سیلیزى
گەرمیان : 26 پلەى سیلیزى
