دەستەی کەشناسی و بومەلەرزەزانیی عێراق بڵاویکردەوە، پێشنیوەڕۆی ئەمڕۆ بومەلەرزەیەکی بەهێز سنووری عێراق و سوریای هەژاند و هیچ زیانێک تۆمارنەکراوە.
لە راگەیەندراوێکی دەستەی کەشناسی و بومەلەرزەزانیی عێراقدا هاتووە، بومەلەرزەکە لە دووری 300 کیلۆمەتر لە سنووری عێراق – سوریا روویداوە و هاوڵاتییانی پارێزگای نەینەوا و هەرێمی کوردستان هەستیان پێکردووە.
ئاشکراشیکرد، گوڕی بومەلەرزەکە 6.1 پلە بووە بە پێوەری رێختەر، تا ئێستا هیچ زیانێکی گیانی و ماددی تۆمارنەکراوە.
