پۆلیسی سلێمانی ڕایگەیاند، دوو کەسیان دەستگیرکردووە کە لە شەودا تەقەیان کردووە و لە حاڵەتێکیاندا بەسەر ماتۆڕەوە تەقەیان کردووە.
پۆلیسی سلێمانی لە ڕاگەیەندراوێکدا دەڵێت، ” پاش ئەوەی دوو تۆمەتبار چەند جارێک و لەچەند شوێنێکی جیاوازدا تەقەیان دەکرد و ببوونە ھۆی بێزارکردنی خەڵک و درووستبونی ترس و دڵەڕاوکێ، لەسەر ڕاسپاردەی بەڕێوەبەری پۆلیسی پارێزگای سلێمانی، مەفرەزەکانی بەشی پۆلیسی نەھێشتنی تاوان لێکۆڵینەوە و بەدواداچونیان بۆ دۆزینەوە و دەستگیرکردنی ئەو دوو تۆمەتبارە ئەنجامدا”.
پۆلیسی سلێمانی لەبارەی دەستگیرکردنی ئەو دوو کەسەوە ئاشکرایکردووە، پاش وەرگرتنی بڕیاری دادوەری ئێشکگر، دوێنێ 15 ی کانوونی دووەم، ھەردوو تۆمەتبارەکە دەستگیر کران و لەئێستا ھەردوو تۆمەتبار (ت، ع، م لەدایکبووی 2003) و (ب، ن، ج لەدایکبووی 2001 ) بەبڕیاری دادوەری لێکۆڵینەوە ڕاگیراون و لێکۆڵینەوە لەگەڵیاندا بەردەوامە.
