وەزارەتی سامانە سروشتییەكانی هەرێم رایدەگەیەنێت، تاوەكو ئێستا نزیكەی 40 ملیۆن لیتر نەوتی سپی بەسەر نزیكەی 199 هەزار خێزاندا دابەشكراوە.
بەپێی راگەیەندراوێكی وەزارەتی سامانە سروشتییەكانی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، تاوەكو ئێستا نزیكەی 40 ملیۆن لیتر نەوتی سپی بەسەر نزیكەی 199 هەزار خێزان دابەشكراوە كە دەكاتە 23% كۆی نەوتی دابەشكراو.
پێشتریش راگەیەندرا كە لە رۆژی چوارشەممەی رابردووەوە دەستكراوە بە دابەشكردنی نەوتی سپی لە شاری سلێمانی و سەرەتا لە مەڵبەندی یەكەوە دەستیپێكرد.
