وەزارەتی بەرگریی سوریا، رایگەیاند لە ئەنجامی هێرشی ئیسرائیل بۆ سەر دیمەشقی پایتەختی سووریا، 7 هاوڵاتی سڤیل کوژران و 11ی دیکەش برینداربوون.
وەزارەتەکە دەڵێت، ئەمشەو ئیسرائیل سێ مووشەکی ئاراستەی دیمەشق کردووە کە باڵەخانەی نیشتەجێبوون و بازرگانی لە گەڕەکی مەززە کردووەتە ئامانج.
وەزارەتی بەرگریی سوریا باس لەوەش دەکات، لەنێو قوربانییەکاندا ژن و منداڵیش هەن، هەروەها تیمەکان لە هەوڵی رزگارکردنی ئەو کەسانەدان کە لەژێر دار و پەردووی باڵەخانە وێرانکراوەکاندا ماونەتەوە.
