ئێوارەی ئەمڕۆ سێ كرێكار لەكاتی كاركردندا لە پڕۆژەیەكی نیشتەجێبوون كەوتوونەتە خوارەوە و دووان لە كرێكارەكان گیانیان لەدەستداوە و كرێكارێكی دیكەش برینداربووە.
بەپێی زانیارییەكان، ئێوارەی ئەمڕۆ لە شاری دهۆك لە یەكێك لە پڕۆژەكانی نیشتەجێبوون سێ كرێكار لە كاتی كاركردندا كەوتوونەتە خوارەوە و بەهۆیەوە دووان لە كرێكارەكان گیانیان لەدەستداوە و كرێكاری دیكەش بە سەختی برینداربووە.
ئاماژە بۆ ئەوەش كراوە، دوای رووداوەكە تەرمی دوو كرێكارەكە گەیەنراوەتە پەیمانگەی پزیشكی دادوەری و كرێكاری سێیەمیش گەیەنراوەتە نەخۆشخانە، بەپێی وتەی سەرچاوەیەكی ئاگادار، ئەو كرێكارانە لە نهۆمی هەشتەم كەوتوونەتە خوارەوە.
