كۆمسیۆنی باڵای سەربەخۆیی هەڵبژاردنەكانی عێراق رایدەگەیەنێت، هەموو ئامێرەكانی كۆمسیۆن بۆ هەڵبژاردن ئامادەن و جیاكردنەوەی دەنگەكان دوای هەژماركردنی ئەلیكترۆنی، دووبارە بە دەست دەژمێردرێنەوە.
عومەر ئەحمەد، سەرۆكی كۆمسیۆنی باڵای سەربەخۆیی هەڵبژاردنەكانی عێراق لە كۆنگرەیەكی ڕۆژنامەوانیدا رایگەیاند، سەرجەم ئامێرەكانی كۆمسیۆن بۆ هەڵبژاردنی پەرلەمانی كوردستان ئامادەن و كۆمسیۆن گرێبەستی لەگەڵ كۆمپانیایەك كردووە بۆ پشكنینی ئامێرەكان.
راشیگەیاند، چەندین تاقیكردنەوەی ئەزموونی بۆ ئامێرەكانی دەنگدان كراون و هیچ كێشەیەكیان نییە و پسپۆڕی تایبەتی بواری تەكنەلۆژیاش بێ كێشەیی ئامێرەكانی دووپاتكردووەتەوە.
جەختیكردەوە وتیشی، “جیاكردنەوەی دەنگەكان دوای هەژماركردنی ئەلیكترۆنی دووبارە بە دەست دەژمێردرێنەوە”.
