لە قەزای خەباتی سەر بەپارێزگای هەولێر تانکەرێکی سووتەمەنی تەقییەوە و بەهۆیەوە دوو کەس گیانیان لەدەستدا و دووانی دیکە برینداربوون.
پەیامنێری تۆڕی میدیایی ئێستا لە شاری هەولێر گواستییەوە، ئێوارەی ئەمڕۆ لە قەزای خەبات لەبەردەم دووکانێکی چاککردنەوەی ئۆتۆمبێل کاری لەحیمکردن بۆ بەشی دواوەی تانکەرێکی گواستنەوەی سووتەمەنی کراوە و لەو کاتەدا تەقیوەتەوە.
ئاماژەی بەوەشکرد، بەپێی ئامارەکان دوو کەس گیانیان لەدەستداوە و دوو کەسی دیکەش برینداربوون و گواستراونەتەوە بۆ نەخۆشخانە.
