وتەبێژی فەرماندەیی گشتیی هێزە چەکدارەکانی عێراق رایگەیاند، هەموو رێوشوێنێکی پێویست بۆ ئاسایشی ئاسمانیی عێراق گیراوەتەبەر، هاوکات ئاماژەی بەوەدا عێراق توانای چاودێریکردنی ئاسمانیی هەیە و جوڵەی فڕۆکەکانی لە دەرەوە و ناوەوە هەیە.
لیوا یەحیا رەسوڵ، وتەبێژی فەرماندەیی گشتیی هێزە چەکدارەکانی عێراق باسی لەوەکردووە، عێراق لە چەند مانگی رابردوودا، گرنگییەکی زۆری بە پەرەپێدانی تواناکانی بەرگریی ئاسمانی داوە و گرێبەستی کڕینی سیستمی بەرگری کردووە و لەماوەی داهاتوودا بەردەستدەبێت.
جەختیشیکردووەتەوە، عێراق توانای چاودێریکردنی ئاسمانی هەیە و هێزە عێراقییەکان هەموو رێوشوێنێکی پێویستیان گرتووەتەبەر بۆ پاراستنی ئاسمانی عێراق و هەموو رێوشوێنێکی پێویست بۆ ئەمنیەت گیراوەتەبەر.
ئاماژەی بەوەشکردووە، فڕۆکە پێشکەوتووەکانی ئێکس 16 و K50، و فڕۆکەکانی گواستنەوەی ئاسمانی و سیخوڕی، هێزی ئاسمانی عێراق پێکدەهێنن کە بەشدارن لە پاراستنی عێراق و بەرگریکردن لە سەروەرییەکەی.
