بۆ بەجێهێنانی فەریزەی حەجی ساڵی 2025 پشکی جیاواز بۆ کەسوکاری شەهیدان و ئەنفالکراوان دیاریکراوە و تیروپشک بۆ ناوەکانیان ئەنجامدەدرێت.
مەحمود سەرمۆدی لێپرسراوی راگەیاندنی بەڕێوەبەرایەتیی شەهیدانی سلێمانی رایگەیاند، داوا لە کەسوکاری شەهیدان و ئەنفالکراوان دەکەین ئەوانەی ئارەزووی بەجێهێنانی فەریزەی حەجیان هەیە لە ئەمڕۆوە تا 10 رۆژی دیکە سەردانمان بکەن بە مەبەستی تۆمارکردنی ناوەکانیان.
ئاماژەی بەوەشکرد، دایک، باوک، خوشک، برا، کچ و کوڕی شەهید دەتوانن ناوی خۆیان بنووسن، دوای کۆتاییهاتنی پرۆسەی ناو تۆمارکردن تیروپشک بۆ ناوەکانیان ئەنجامدەدرێت.
وتیشی، تێچووی حەج لەسەر ئەو کەسەیە کە حەج دەکات، ئێمە تەنها ئەو ئاسانکارییەیان بۆ دەکەین کە بە جیا لە کەسانی دیکە تیروپشک بۆ ناوەکانیان ئەنجامدەدەین.
