=دەستەی کەشناسیی عێراقی رایگەیاند، شەوی سێشەممە ئەگەری بارانبارین هەیە لە ناوچەکانی هەرێمی کوردستان و پلەی گەرمی دادەبەزێت.
دەستەکە ئاماژەی بەوەکردووە، هەندێک جار تاوەبارانی بەخوڕ دەبارێت و لەناوچەکانی ناوەڕاست و باشووری عێراق ئەگەری خۆڵبارین دەبێت.
لەبارەی کەشوهەوای رۆژی چوارشەممەوە باسی لەوەکردوە، لەناوچەکانی هەرێمی کوردستان هەور دەبێت و لەدوای نیوەڕۆ ئەگەری بارانبارین دەبێت و پلەی گەرمی دابەزینی زیاتر تۆماردەکات.
بۆ رۆژی پێنجشەممەش پلەی گەرمی لە نزمیدا دەمێنێتەوە و ئاسمانی هەرێمی کوردستان هەوراوی دەبێت.
