بەڕێوەبەرایەتیی نەوت و كانزاكانی سلێمانی رایدەگەیەنێت، دابەشكردنی نەوت بەردەوامە و سبەی لە چەند شوێنێكی دیكە نەوتی سپی بەسەر هاوڵاتییاندا دابەشدەكرێت.
بەپێی راگەیەندراوێكی بەڕێوەبەرایەتیی نەوت و كانزاكانی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سبەی چوارشەممە نەوتی سپی لە پێنجوێن، بازیان و خدران دابەشدەكرێت.
ماوەی چەند رۆژێكە دابەشكردنی نەوتی سپی بەسەر هاوڵاتییاندا دەستیپێكردووە كە بڕی 200 لیتر بە 104 هەزار دینار بە هاوڵاتییان دەدرێت.
