وتەبێژی بەنزینخانەكانی سلێمانی رایدەگەیەنێت، نرخی نەوتی سپی لە بەنزینخانەكاندا دابەزیوە و یەك بەرمیل نەوت نرخەكەی لە نێوان 135 بۆ 140 هەزار دیناردایە.
بەهمەن شێخ قادر وتەبێژی بەنزینخانەكانی سلێمانی لە لێدوانێكدا بە تۆڕی میدیایی ئێستای راگەیاند، بەهۆی زۆربوونی بەرهەمی نەوتی سپی و كەمبوونەوەی خواست لەسەری كە وەرزی هاوینە نرخی نەوتی سپی دابەزینی بەخۆوە بینیوە و یەك بەرمیل نەوتی سپی ساڵی رابردوو بە 280 هەزار دینار بووە و ئەمساڵ یەك بەرمیل نەوتی سپی گەیشتووەتە 135 بۆ 140 هەزار دینار.
لەبارەی ناردنی نەوتی سپی لەلایەن بەغدادەوە، بەهمەن شێخ قادر ئاماژەی بۆ ئەوەش كرد، ئەگەر رێككەوتنەكەی نێوان هەرێم و بەغداد جێبەجێبكرێت چاوەڕواندەكرێت نەوتی سپی بۆ هاوڵاتییان رەوانە بكرێت.
