وتەبێژی وەزارەتی دارایی هەرێم رایدەگەیەنێت، لە نزیكترین كاتدا خشتەی مووچەی مانگی هەشت رادەگەیەندرێت و دەشڵێت، “بۆ مووچەی مانگی هەشت 755 ملیار دینار لە بەردەستدایە و لەگەڵ بەغداد لە گفتوگۆداین كە كورتهێنانەكە چارەسەربكرێت”.
هونەر جەمال، وتەبێژی وەزارەتی دارایی هەرێم رایگەیاند، ئەمڕۆ بەغداد بڕی 572 ملیار دیناری بۆ هەرێمی كوردستان ناردووە و مانگی رابردوو یەك ترلیۆن و 181 ملیار دینار نێردراوە كە 998 ملیار دینار بۆ مووچەی مانگی حەوت خەرجكراوە و 183 ملیار دینار ماوەتەوە لەگەڵ 572 ملیار دینارەكەی ئەمڕۆ نێردراوە دەكاتە 755 ملیار دینار كە بۆ مووچەی مانگی هەشت كورتهێنان هەیە و لەگەڵ بەغداد لە گفتوگۆداین چارەسەربكرێت و لە نزیكترین كاتدا خشتەی مووچەی مانگی هەشت رادەگەیەنرێت.
وتیشی، “لە هەوڵداین كە لە ماوەی دوو رۆژدا لیستی مووچەی مانگی نۆ ئامادەبكەین و رەوانەی بەغداد بكرێت و مووچەی مانگی نۆ بنێردرێت”
