كۆمسیۆنی هەڵبژاردنەكانی عێراق رایدەگەیەنێت، لە رۆژی دەنگداندا هیچ كەس نازانێت كێ دەنگ بە كێ دەدات.
جومانە غەلای، وتەبێژی كۆمسیۆنی باڵای سەربەخۆی هەڵبژاردنەكانی عێراق لە لێدوانێكدا بە تۆڕی میدیایی ئێستای راگەیاند، سوورین لەسەر ئازادیی دەنگدانی دەنگدەران بە هەر كاندیدێكی پەرلەمانی هەرێمی كوردستان و پاراستنی نهێنییەكانی دەنگدان و هیچ كەس و لایەنێك ناتوانێت بزانێت دەنگدەر دەنگی بەكێ داوە.
قسەكانی جومانە غەلای بۆ دڵنیاكردنەوەی ئەو كەسانەیە كە دەترسن لە دزەكردنی زانیارییەكانی دەنگدەر و ترسیان هەیە لەوەی دەنگەكانیان ئاشكراببێت، بەڵام كۆمسیۆنی باڵای سەربەخۆیی هەڵبژاردنەكان هەموو دەنگۆیەكی لەو شێوەیەی رەتدەكاتەوە.
