لە سنووری ناحیەی مەیدان ئۆتۆمبێلێك دوای لە كۆنتڕۆڵ دەرچوون وەرگەڕا و ئاگریگرت.
بەڕێوەبەرایەتیی هاتوچۆی گەرمیان رایگەیاند، بەیانیی ئەمڕۆ ئۆتۆمبێلێکی جۆری هۆندا ئەلنترا، كە لە ناحیەی مەیدانەوە بە ئاراستەی قەزای خانەقین رۆیشتووە، لەنێوان هەردوو گوندی (هاجیلەر و ناوماچک) کۆنترۆڵی لەدەستدا و کەوتە دۆڵێکەوە و پاشان ئاگریگرت.
ئەوەشی خستەڕوو، بەهۆیەوە ئۆتۆمبێلەکە بەتەواوی سووتا و شۆفێرەکەشی برینداربوو كە تەمەنی 30 ساڵە و دانیشتووی شارەبانی سەر بە پارێزگای دیالەیە و، رەوانەی نەخۆشخانەی قەزای دەربەندیخان كرا بەمەبەستی چارەسەر.
هاتوچۆی گەرمیان ئاماژەی بەوەشدا، تیمی هاتووچۆ لێکۆڵینەوەیان لەبارەی رووداوەکەوە دەستپێکردووە.
