وتەبێژی پۆلیسی دهۆک رایگەیاند، لە ماوەی 24 کاتژمێری رابردوودا دوو رووداوی تەقەکردن لە پارێزگاکە روویانداوە و بەهۆیانەوە کەسێک کوژراوە و یەکێکی دیکەش برینداربووە.
هێمن سلێمان وتەبێژی پۆلیسی دهۆک رایگەیاند، لە کۆمەڵگای تەناهی سەر بە قەزای سێمێل بەهۆی شەڕی دوو بنەماڵەوە کەسێک بەناوی عمران عەلی تەمەن 27 ساڵان کوژراوە، دوای رووداوەکە تۆمەتباران بەپێی ماددەی 406 دەستگیرکراون.
ئاماژەی بەوەشکرد، لە رووداوێکی دیکەدا دوو گەنج کە ئامۆزای یەکترن دەستکاری چەکیان کردووە و بەهۆیەوە فیشەک لە دەستی یەکێکیان دەرچووە و ئەوی دیکەیانی بریندارکردووە.
هەردوو رووداوەکە لەماوەی 24 کاتژمێری رابردوودا لە سنووری پارێزگای دهۆک روویانداوە.
